ເສີມຂະຫຍາຍມູນເຊື້ອເຫຼົ້່າຮົບປືນໃຫຍ່ໜ້າດີນ ເຂົ້າໃນພາລະກິດປົກປັກຮັກສາຕາມທ່າກ້າວພັດທະນາຂອງຊາດ

ສະຫາຍ ພັນເອກ ປະເສີດ ທ່ຽງທໍາ ຫົວໜ້າການທະຫານ ກອງພັນໃຫຍ່ 605, ຫົວໜ້າຄະ ນະຊີ້ນຳລວມກຳລັງເຫຼົ່າຮົບປືນ ໃຫຍ່ໜ້າດິນເຝິກຊ້ອມການທະ ຫານ ເພື່ອກະກຽມສະເຫຼີມສະຫຼອງວັນຊາດ ທີ 2 ທັນວາ ຄົບຮອບ 45 ປີ ທີ່ຈະເຖິງນີ້ໄດ້ສະ ແດງຄວາມຮູ້ສຶກວ່າ: ກຳລັງປືນໃຫຍ່ໜ້າດິນ, ຍາມໃດກໍຍຶດໝັ້ນ ຕໍ່ອຸດົມການຂອງພັກຂອງຊາດ ແລະ ເສີມຂະຫຍາຍມູນເຊື້ອ ຂອງກອງທັບ ໃນການປະຕິບັດ
ໜ້າທີ່ປົກປັກຮັກສາປະເທດຊາດຄຽງບ່າຄຽງໄຫຼ່ກັບທຸກກຳລັງ ເຫຼົ່າຮົບຕ້ານຈັກກະພັດຜູ້ຮຸກ ຮານ ແລະ ການຄອບຄອງຂອງ ພວກລ່າເມືອງຂຶ້ນທັງແບບເກົ່າ ແລະ ແບບໃໝ່ຈົນສາມາດປົດ ປ່ອຍປະເທດຊາດໄດ້ຢ່າງມີໄຊ ແລະ ປະກາດສະຖາປະນາ ສປປລາວ ຂຶ້ນຢ່າງສະຫງ່າຜ່າເຜີຍ ໃນ ວັນທີ 2 ທັນວາ 1975. ມາເຖິງ ປັດ ຈຸບັນກຳລັງເຫຼົ່າຮົບປືນໃຫຍ່ໜ້າ ດິນ ໄດ້ກາຍເປັນກຳລັງທີ່ເຕີບ ໃຫຍ່ເຂັ້ມແຂງ ແລະ ຫັນເຂົ້າສູ່ຄວາມທັນສະໄໝ ເພື່ອຮັບປະກັນ ເຮັດສຳເລັດໜ້າທີ່ປົກປັກຮັກສາ ປະເທດຊາດດ້ວຍຄວາມຮັບຜິດ ຊອບສູງຂຶ້ນ.

ສະຫາຍ ພັນເອກ ປະເສີດ ທ່ຽງທໍາ ໃຫ້ສໍາພາດຕໍ່ນັກຂ່າວ ໜັງສືພິມກອງທັບວ່າ: ໃນໂອກາດ ທີ່ທົ່ວພັກ-ທົ່ວລັດ-ທົ່ວປວງຊົນ ລາວທັງຊາດ ມີຄວາມປິຕິຍິນດີ ແລະ ເອກອ້າງທະນົງໃຈແຫ່ງ ວັນໄຊຊະນະອັນຍິ່ງໃຫຍ່ໃນປະ ຫວັດສາດຂອງຊາດລາວເຮົາ ກໍຄື ວັນຊາດທີ 2 ທັນວາ ຄົບຮອບ 45 ປີ ເປັນວັນທີ່ປະຊາຊົນລາວບັນ ດາເຜົ່າໄດ້ມີອິດສະຫຼະພາບ ແລະ ເປັນເຈົ້າຂອງປະເທດຊາດຢ່າງ ແທ້ຈິງ, ເປັນວັນທີ່ປະເທດຊາດ ໄດ້ມີເອກະລາດຢ່າງສົມບູນ ແລະ ມີປະຊາທິປະໄຕຢ່າງຄົບຖ້ວນ ແລະ ມີສະຖານະພາບເທົ່າທຽມ ກັບບັນດາປະເທດອື່ນໆໃນໂລກ, ເຮັດໃຫ້ປະຊາຄົມໂລກ ໄດ້ຮັບ ຮູ້ວັນທີ 2 ທັນວາ ແມ່ນວັນແຫ່ງ ສັນຕິພາບ, ວັນແຫ່ງການກ້າວ ເຂົ້າສູ່ຍຸກສະໄໝໃໝ່ ແຫ່ງການ ສ້າງປະເທດລາວໃຫ້ມີສັນຕິພາບ ເອກະລາດ ປະຊາທິປະໄຕ ເອກະ ພາບ ແລະ ວັດທະນະຖາວອນ. ການສະເຫຼີມສະຫຼອງ ວັນຊາດທີ 2 ທັນວາຄົບຮອບ45 ປີ ທີ່ຈະ ເຖິງນີ້ ສະແດງໃຫ້ເຫັນເຖິງມູນ ເຊື້ອອັນສະຫງ່າອົງອາດກ້າຫານ ແຫ່ງການຕໍ່ສູ້ຂອງກອງທັບ ແລະ ປະຊາຊົນລາວບັນດາເຜົ່າພາຍ ໃຕ້ການຊີ້ນຳ-ນຳພາອັນສະຫຼາດ ສ່ອງໃສຂອງພັກປະຊາຊົນປະ ຕິວັດລາວ ຢ່າງພິລະອາດຫານ ຕ້ານຈັກກະພັດຜູ້ຮຸກຮານ ແລະ ການຄອບຄອງຂອງພວກລ່າເມືອງຂຶ້ນທັງແບບເກົ່າ ແລະ ແບບໃໝ່ ຈົນສາມາດປົດປ່ອຍ ປະເທດຊາດໄດ້ຢ່າງມີໄຊ ແລະ ປະກາດສ້າງຕັ້ງ ສປປ ລາວ ຂຶ້ນ ຢ່າງສະຫງ່າຜ່າເຜີຍ ໃນວັນທີ 2 ທັນວາ 1975.


ສະຫາຍ ກ່າວຕື່ມວ່າ: ເພື່ອ ສືບຕໍ່ຮັກສາ ແລະ ເສີມຂະຫຍາຍ ມູນເຊື້ອລວມຂອງກອງທັບ ແລະ ມູນເຊື້ອອັນດີງາມຂອງເຫຼົ່າຮົບ ປືນໃຫຍ່ໜ້າດິນເຂົ້າໃນການປັບ ປຸງກໍ່ສ້າງກຳລັງ ໃຫ້ມີຄວາເຂັ້ມ ແຂງ ໜັກແໜ້ນ ໃນທຸກດ້ານກ້າວ ຂຶ້ນຕາມທິດຫັນເປັນແບບແຜນ ທັນສະໄໝ ກຽມພ້ອມເຮັດສຳເລັດ ໜ້າທີ່ການເມືອງໂດຍສົມທົບກັບ ບັນດາກົມກອງເຫຼົ່າຮົບຕ່າງໆ ເພື່ອຮັບປະກັນໃນວຽກງານປົກ ປັກຮັກສາໝາກຜົນຂອງການ ປະຕິວັດ, ຄວາມສະຫງົບໝັ້ນຄົງ ຂອງຊາດ, ປົກປັກຮັກສາເອກະ ລາດ ອະທິປະໄຕ ອັນຄົບຖ້ວນ ຂອງຊາດໄວ້ໃຫ້ໝັ້ນຄົງນັ້ນ, ຄະ ນະພັກ-ຄະນະບັນຊາ ພວກເຮົາ ໄດ້ເອົາໃຈໃສ່ລົງໃກ້ຊິດຕິດແທດ ຊີ້ນຳບັນດາກົມກອງຮາກຖານ ທັງກຳລັງຫຼວງ ແລະ ກຳລັງທ້ອງ ຖິ່ນ ເຮັດວຽກງານສຶກສາອົບຮົມ ໃນຖັນແຖວພະນັກງານ-ນັກຮົບ ທີ່ນອນຢູ່ໃນການຄຸ້ມຄອງຂອງ ຕົນໃຫ້ມີແນວຄິດເຊື່ອມຊຶມເລິກ ເຊິ່ງມູນເຊື້ອຂອງເຫຼົ່າຮົບປືນ ໃຫຍ່ໜ້າດິນເຫັນໄດ້ໜ້າທີ່ພາລະ ບົດບາດໃນພາລະກິດປົດປ່ອຍ ຊາດ ເພື່ອພ້ອມກັນຍົກສູງໜ້າ ທີ່ຄວາມຮັບຜິດຊອບໃນພາລະ ກິດປົກປັກຮັກສາຕາມທ່າກ້າວ ພັດທະນາຂອງຊາດ.
ໂດຍ: ໂຊເລ້ ບຸນເຮືອງ
ພາບ : ເພັດ ສົມນໍວັນ