ບຸນຫລົ່ນທັບ! ຈາກໂຊກຮ້າຍກາຍເປັນໂຊກດີ ເປັນເສດຖີຊົ່ວຂ້າມຄືນ ຍ້ອນອຸກະບາດຕົກໃສ່ເຮືອນ

ສື່ຕ່າງປະເທດລາຍງານວ່າ ໃນວັນທີ 18 ພະຈິກນີ້ວ່າ: ທ້າວ ໂຈຊົວ ຮູຕາກາລັງ (Josua Hutagalung)​ ຊ່າງເຮັດໂລ່ງສົບ ອາຍຸ 33 ປີ ເມືອງໂກລັງ,​ ແຂວງສຸມາຕາເໜືອ,​ ປະເທດອິນໂດເນເຊຍ ເຮັດໂລ່ງສົບຢູ່ຂ້າງເຮືອນ ແລ້ວມີຫີນປິດສະໜາ ຕົກລົງມາຖືກຫຼັງຄາເຮືອນດ້ານນອກ ສຽງດັງກ້ອງໄປທົ່ວ ລາວຕົກໃຈຫຼາຍ ເມື່ອລາວ ແລະ ເພື່ອນບ້ານໄປຫາສາເຫດຂອງສຽງ ເຫັນຫຼັງຄາເຮືອນຫຼຸ ແລະ ເຫັນມີຫີນແປກໃນຂຸມຝັງດິນເລິກ 15 ຊັງຕີແມັດ ຈາກແຮງທີ່ຕົກລົງມາ.​ ເມື່ອຂຸດພົບຫີນຍັງມີຄວາມຮ້ອນອຸ່ນ ນ້ຳໜັກ 2,1 ກິໂລກຼາມ.

ຫຼັງຈາກເຈົ້າໜ້າທີ່ກວດສອບຫີນ ຈື່ງຮູ້ວ່າ ມັນຄືອຸກະບາດ ຄາດວ່າມີອາຍຸ 4,5 ພັນລ້ານປີ ຢູ່ໃນປະເພດ CM1/2 Carbonaceous Chondrite ອຸກາບາດກໍ່ໂຕຂຶ້ນພ້ອມກັບຈຸດເລີ່ມຕົ້ນຂອງລະບົບສຸລິຍະ ມີອົງປະກອບເປັນຄາຣບອນຈຳນວນຫຼາຍ ເຊິ່ງເປັນຊະນິດທີ່ຫາຍາກຫຼາຍ ມີມູນຄ່າປະມານຂີດລະ 857 ໂດລາສະຫະລັດ ລວມທັງໝົດຈຶ່ງເປັນມູນຄ່າສູງເຖິງ 1,85 ລ້ານໂດລາ.​ ລ່າສຸດມີນັກສະສົມຊາວສະຫະລັດອາເມລິກາ ເປັນຄົນຊື້ໃນລາຄາ 1,4 ລ້ານປອນ ຫຼື ປະມານ 18,​5 ຕື້ກວ່າກີບ ໂດຍລາວຕັ້ງໃຈຈະນຳເອົາເງິນບາງສ່ວນໄປສ້າງບວດຄຣິດໃນຊຸມຊົນ.