ເສັ້ນທາງຫຼາຍເສັ້ນຢູ່ເມືອງນອງ ແຂວງສະຫວັນນະເຂດ ຈະໄດ້ຮັບການສ້ອມແປງ

ໃນວັນທີ 16 ພະຈິກ 2020ຜ່ານມານີ້ ທ່ານ ລຳແກ້ວ ແສງໜູທອງ ເລຂາພັກເມືອງເຈົ້າເມືອງໆນອງ, ທ່ານ ສຸກສາຄອນ ໂພທິລາດ ຮອງເລຂາພັກເມືອງພ້ອມດ້ວຍພາກສ່ວນກ່ຽວຂ້ອງ ໄດ້ລົງຕິດຕາມກວດກາເບິ່ງຕົວຈິງຂອງເສັ້ນ ທາງທີ່ເປ້ເພ ແລະການສ້ອມແປງແກ້ໄຂສຸກເສີນໃນເບື້ອງຕົ້ນຄື: ເສັ້ນທາງແຕ່ເທດສະບານເມືອງອອກສູ່ ຈຸດສຸມແກ້ງລີ້ນ ມີຄວາມຍາວ 19 ກິໂລແມັດ ເປ້ເພເສຍຫາຍ 7 ຈຸດໃນນີ້ຂົວໄມ້ຫັກ ແລະຖືກນ້ຳເຊາະເຈື່ອນໄຫຼໄປ 3ແຫ່ງ, ຂົວດາໂລຖືກນ້ຳເຊາະເຈື່ອນ ແລະຂາດມີ 4 ແຫ່ງ, ລົງເບິ່ງຜົນກະທົບຈາກເຂື່ອນໄຟຟ້າເຊລະນອງ1.

ຈຸດທີເຮັດໃຫ້ນ້ຳຖ້ວມຂົວດາໂລ ແລະຂົວຂ້າມເຊສະມວນ ແຕ່ຈຸດບ້ານແກ້ງລີ້ນໄປຫາເຂດລະເບົາ ນ້ຳໄດ້ຖ້ວມເລິກ 2 ແມັດກວ່າ ອັນໄດ້ເຮັດໃຫ້ ກາ ນໄປມາ ຫາສູ່ແລກປ່ຽນສິນຄ້າລະຫວ່າງບ້ານຕໍ່ບ້ານແມ່ນພົບຄວາມຫຍຸ້ງຍາກລຳບາກຫຼາຍສົມຄວນ, ຈາກນັ້ນໄດ້ລົງຕິດຕາມເບິ່ງເສັ້ນທາງແຕ່ທາງແບ່ງ ບ້ານນາລົງເກົ່າເຂົ້າຫາ ບ້ານແດນວິໄລ ເຂດຈຸດສຸມ ປະເລາະ-ອາສີງ ເຊິ່ງມີຄວາມຍາວທັງໝົດ 22 ກວ່າກິໂລແມັດ ເສັ້ນທາງແຫ່ງນີ້ກໍ່ແມ່ນເສັ້ນໜຶ່ງທີ່ໄດ້ຮັບຜົນກະທົບຄວາມເສຍຫາຍຢ່າງໜັກໜ່ວງ ເຊິ່ງໄດ້ເລີ່ມ ແຕ່ວັນທີ 7 ເດືອນຕຸລາ ທີ່ພາຍຸໄດ້ພັດຜ່ານເຂົ້າມາລູກທຳອິດຈົນມາຮອດປະຈຸບັນເສັ້ນທາງດັ່ງກ່າວແມ່ນຍັງຖືກຕັດຂາດ ແລະເປ້ເພເສຍຫາຍທັງໝົດ 9ຈຸດ, ນ້ຳໄດ້ເຊາະເຈື່ອນໜ້າທາງ, ຂົວຈົມ,

ເສັ້ນທາງ ແລະ ສະຄອງຮ່ອງລະບາຍນ້ຳຂ້າງທາງຖືກດິນພູເຈື່ອນທັບຖົມ,ທໍ່ລອດທາງຕ່າງໆແມ່ນຖືກນ້ຳພັດນ້ຳກັດເຊາະເປັນວົງກວ້າງ, ດັ່ງນັ້ນເພື່ອເປັນການແກ້ໄຂໃນເບື້ອງຕົ້ນ ທາງການນຳເມືອງນອງກໍ່ຄືການນຳຂອງແຂວງ ໄດ້ມອບໃຫ້ທາງບໍລິສັດ ວີແອວພີ ພັດທະ ນາກໍ່ສ້າງຈຳກັດ ເປັນຜູສ້ອມແປງແກ້ໄຂສຸກເສີນ ແລະຂຸ້ນຂ້ຽວສອ້ມແປງເສັ້ນທາງໃນ 4ເສັ້ນໃຫຍ່ເພື່ອໃຫ້ລົດບັນທຸກຊະນິດຕ່າງໆສາມາດທຽວໄດ້ ແລະເຮັດໃຫ້ພໍ່ແມ່ປະຊາຊົນ ອຳນາດການປົກຄອງບ້ານໄດ້ສະດວກສະບາຍໃນການສັນຈອນໄປມາ ຫາສູ່ ແລກປ່ຽນຄ້າຂາຍສິນຄ້າເຊິ່ງກັນ ແລະກັນ.

ພາບ-ຂ່າວ: ຖວທ ເມືອງນອງ