🔔 ຢ່າລືມປະຕິບັດເດີ! ເດືອນ 3 ອອກໃຫມ່ 3 ຄໍ່າ 💰

☺️ ປີ 2021 ນີ້, ເດືອນສາມອອກໃໝ່ສາມຄໍ່າ ແມ່ນກົງກັບວັນ ເສົາ ທີ່ 16/01/2021 ຊຶ່ງເປັນມື້ຂື້ນ 3 ຄໍ່າ ເດືອນສາມ 🌾🌾🌾🌾
ໂຊກເຂົ້າເຮືອນ ຫາກິນງ່າຍ ໄດ້ໂຊກໃຫຍ່ແບບບໍຄາດຄິດ 💰💰💰

✅ ຢ່າລືມປະຕິບັດ ແມ່ນມີຄື:
1. ສູ່ຂວັນ ເຂົ້າ
2. ສູ່ຂວັນ ງົວ / ຄວາຍ
3. ສູ່ຂັວນ ບຸກຄົນ
4. ສູ່ຂວັນຂຶ້ນ ບ້ານໃໝ່ ຫຼື ເຮັດບຸນເຮືອນເພື່ອເປັນສິຣິມຸງຄຸນ
5. ຈັດງານຕ່າງໆ ເຊັ່ນ: ນຳຝ້າຍມາມັດລົດ, ບາສີສູ່ຂວັນເຮືອນ,
6. ບຸນເຂົ້າຈີ່.

⭐️ ເຄື່ອງບາສີສູ່ຂວັນປະກອບມີ:
+ ເຂົ້າສານໃສ່ຖ້ວຍ ໂຖ, ຕິບເຂົ້າໜຽວ, ໄຂ່, ກ້ວຍ, ເຜືອກ, ມັນ, ອ້ອຍ, ນໍ້າຫອມ, ໃບຍໍ, ໃບຄູນ, ຂີ້ໝີ້ນ, ສີ້ນຜືນ ແພວາ, ເຫຼົ້າຂາວ, ນໍ້າດື່ມ, ໄກ່ຕົ້ມ, ຄໍາໝາກກອກຢາ, ແຕ່ງໃສ່ພາເຂົ້າ ແລ້ວນຳຂຶ້ນໄປເລົ່າເຂົ້າ
+ ພ້ອມກ່າວຄໍາທີ່ເປັນມຸງຄຸນ ມື້ນີ້ເປັນມື້ສັນວັນດີມື້ສີວັນຊອບ ເປັນກິນບໍບົກ ຈົກບໍລົງ ຂໍໃຫ້ປີນີ້ໄດ້ເຂົ້າເຕັມເລົ່າ ບໍອຶດຢູ່ອຶດກິນ, ຫາເງິນໃຫ້ໄດ້ເງິນເຕັມຖັງ ຄືຖັງເຂົ້າ ແລ້ວກໍ່ນຳເຄື່ອງບາສີໄປວ່າງໄປໃນເລົ່າເຂົ້າ ⭐️🔔

🌾 ສູ່ຂວັນເຂົ້າ (ມື້ເປີດເລົ່າເຂົ້າ), ຖ້າຢູ່ໃນເມືອງ ກໍສູ່ຂວັນ ຖັງເຂົ້າສານ ຄື: ເຂົ້າ ທີ່ກ່ຽວມາແລ້ວ ຕ້ອງນຳຂຶ້ນໄວ້ໃນເລົ່າ ພໍຮອດເດືອນສາມ ກໍຈະເຮັດພິທີບາສີສູ່ຂວັນ. 💰

🌾 ສູ່ຂວັນງົວຄວາຍ ຄື: ພາຍຫຼັງນຳເຄື່ອງບາສີສູ່ຂວັນ ເຂົ້າ ວາງໄປໄວ້ແລ້ວ ກໍນຳເອົາຝ້າຍທີ່ຕຽມໄປມັດຂາ ຫຼື ເຊືອກທີ່ຜູກ ງົວຄວາຍ ພ້ອມກ່າວ: ຂໍໃຫ້ງົວຄວາຍ ສຸຂະພາບແຂງແຮງ ພ້ອມສູ້ພ້ອມຊົນວຽກໄຮ່ການນາ ແລະ ອອກແມ່ແຜ່ລູກ. 💰

🌾 ສູ່ຂວັນບຸກຄົນທີ່ປະສົບເຄາະຮ້າຍຜ່ານມາໃຫ້ເຊົ່າເຈັບໄຂ້ ແລະ ມີສຸຂະພາບແຂງແຮງ, ສູ່ຂວັນຄົນທີ່ກັບມາຈາກທາງໄກໃຫ້ປອດໄພໄປມາເງິນເຕັມຖົງ, ສູ່ຂວັນລູກຫຼານເອົາຜົວເມຍ ຫຼື ເກີດລູກໄໝ່ ໃຫ້ມີສຸຂະພາບແຂງແຮງ ໃຫຍ່ສູງ ສະຫຼາດ ແລະ ລຳລວຍມີຄວາມສຸກ💰

🌾 ສູ່ຂວັນເຮືອນ ດ້ວຍການນຳເຄື່ອງບາສີ ສູ່ຂວັນມາຕັ້ງໄວ້ໜ້າບ້ານແຕ່ເຊົ້າມືດ (ຖ້າມີເງື່ອນໄຂຈັດງານພິທີ່ບາສີ ກໍເຮັດແບບລຽບງ່າຍ), ສູ່ຂວັນລົດ ທີ່ໃຊ້ທຳມາຫາກິນ ໃຊ້ເດີ່ນທາງ ປະຈຳດ້ວຍການແຕ່ງຂັນຫ້າພ້ອມຄໍາໝາກກອກຢາ ວາງໄວ້ໜ້າລົດ ພ້ອມກ່າວຄຳ ໃຫ້ລົດຄັນນີ້ຈົ່ງເປັນລົດໂຊກລົດໄຊ ໄປເຮັດວຽກ ຄ້າຂາຍ ຢູ່ໃສ່ກໍຂໍໃຫ້ລຳລວຍ, ເດີ່ນທາງປອດໄພໄປກັບ ບໍໃຫ້ລົດເຟ້ໃນການເດີ່ນທາງ ຫຼື ຈອດໄວ້!💰

🌾 ບຸນເຂົ້າຈີ່: ກະກຽມເຂົ້າເປັນປັ້ນ ທ່າໄຂ່ໃສ່ ແລ້ວນຳມາຈີ່ ຫຼັງຈີ່ສຸກ ກໍ່ຈະນຳເຂົ້າຈີ່ນັ້ນ ໄປໃສ່ບາດທຳບຸນ ແລ້ວຈະເກີດທຸງຄຸນແກ່ຊີວິດ ນຳມາຊຶ່ງຄວາມຈະເລີນ ມັ້ງຄັ້ງລຳລວຍ! 💰

🌾 ສຳລັບຄົນໃນເມືອງ ທີ່ເປັນຂ້າລາດຊະການ ພໍ່ຄ້າຊາວຂາຍ ພຽງແຕ່ລຸກເຊົ້າ ແຕ່ງຂັນສູ່ຂວັນເລັກນ້ອຍ ເພື່ອເອົາເຄັດກໍ່ໄດ້ແລ້ວ ຫຼື ອາດທຳບຸນໃສ່ບາດແກ່ພະສົງໜ້າບ້ານ ຍິ່ງຈະເລີນແກ່ຕົນ.! 💰

💰💵———————💵💰

🔔🌾💰 ຂຸນແຜນໂພນທັນ 💰🌾💵