ສານຊົມເຊີຍ ຈາກ ເຈົ້າຊີວິດໄທ

ພະບາດສົມເດັດ ມະຫາວະຊິຣາລົງກອນ ພະວະຊິຣະເກົ້າເຈົ້າຢູ່ຫົວ ແຫ່ງ ຣາຊະອານາຈັກໄທ ໄດ້ສົ່ງສານຊົມເຊີຍ ເຖິງ ທ່ານ ທອງລຸນ ສີສຸລິດ ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເມື່ອບໍ່ດົນມານີ້ ທີ່ ນະຄອນຫຼວງວຽງຈັນມ ເນື້ອໃນສານລະບຸວ່າ%
ໃນໂອກາດສຳຄັນທີ່ທ່ານ ໄດ້ຮັບການເລືອກຕັ້ງ ໃຫ້ດຳລົງຕຳແໜ່ງປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຂ້າພະເຈົ້າ ໃນນາມປະຊາຊົນໄທ ຂໍສົ່ງພອນໄຊອັນປະເສີດ ແລະ
ຄວາມປາຖະໜາດີ ດ້ວຍຄວາມຈິງໃຈ ມາຍັງທ່ານ ແລະ ຂໍອວຍພອນໃຫ້ທ່ານຈົ່ງມີຄວາມສຳເລັດ ແລະ ມີຄວາມຜາສຸກໃ
ຕະຫຼອດໄລຍະຜ່ານມາ ຈົນເຖິງປັດຈຸບັນ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ມີການພັດທະນາໃຫ້ມີຄວາມກ້າວໜ້າມ ຮັ່ງມີ ແລະ ຈະເລີນວັດທະນາຢ່າງໃຫຍ່ຫຼວງ ຊຶ່ງໄດ້ສະແດງອອກໃຫ້ປະຊາຄົມໂລກໄດ້ຮັບຮູ້ມ ໂດຍສະເພາະຢ່າງຍິ່ງເມື່ອມີຜູ້ນຳທີ່ເຕັມປ່ຽມໄປດ້ວຍວິໄສທັດອັນກວ້າງໄກ ແລະ ເປັນທີ່ຍອມຮັບນັບຖືທັງໃນພາກພື້ນ ແລະ ສາກົນ ກໍຍິ່ງເຊື່ອໝັ້ນວ່າ ປະເທດ ແລະ ປະຊາຊົນລາວ ຈະສືບຕໍ່ມີຄວາມຈະເລີນຮຸ່ງເຮືອງ ແລະ ວັດທະນາຖາວອນຍິ່ງໆຂຶ້ນໄປໃ
ປະເທດໄທ ໃຫ້ຄວາມສຳຄັນຢ່າງຍິ່ງ ຕໍ່ສາຍພົວພັນມິດຕະພາບ ກັບ ສາທາລະນະລັດ ປະຊາທິປະໄຕ ປະຊາຊົນລາວ ໃນຖານະປະເທດບ້ານໃກ້ເຮືອນຄຽງ ທີ່ມີຄວາມຜູກພັນໃກ້ຊິດເປັນພິເສດມາແຕ່ດົນນານມ ສອງຝ່າຍໄດ້ໃຫ້ການຊ່ວຍເຫຼືອ ຊຶ່ງກັນ ແລະ ກັນ ໃນຫຼາຍດ້ານເປັນຢ່າງດີຕະຫຼອດໄລຍະເວລາທີ່ຜ່ານມາໃ ຂ້າພະເຈົ້າເຊື່ອໝັ້ນເປັນຢ່າງຍິ່ງວ່າ ພາຍໃຕ້ການນຳພາຂອງທ່ານ ການຮ່ວມມືລະຫວ່າງສອງປະເທດຂອງພວກເຮົາ ຈະໄດ້ຮັບການສົ່ງເສີມຢ່າງຕັ້ງໜ້າ ເພື່ອເສີມຂະຫຍາຍສາຍພົວພັນ ແລະ ການຮ່ວມມືອັນດີທີ່ມີແລ້ວນັັ້ນ ໃຫ້ແໜ້ນແຟ້ນ ແລະ ເພີ່ມພູນຄູນສ້າງ ຍິ່ງໆຂຶ້ນໃນອະນາຄົດ