ອິນເດຍ ກວດພົບຜູ້ຕິດເຊື້ອໂຄວິດ-19 ວັນດຽວ150.000 ກວ່າຄົນ

ຕາມ​ຂ່າວ​ຈາກ ​ນີວ​ແດນ​ລີ, ພາຍ​ໃນ​ເວລາ​ເກືອບ 3​ເດືອນ ອິນ​ເດຍ ສັກ​ວັກ​ຊິນ ປ້ອງ​ກັນ​ ໂຄ​ວິດ-19 ​ໄປ​ແລ້ວ ຫລາຍ​ກວ່າ 100 ລ້ານ​ຫລອດ ​ແຕ່​ໃນ​ຮອບ​24 ຊົ່ວ​ໂມງ​ ລ້າ​ສຸດ ພົບ​ຜູ້​ຕິດ​ເຊື້ອ​ ລາຍ​ໃໝ່ 152.879 ​ຄົນ ​ໃນ​ວັນ​ທີ11​ເມສາ​ນີ້ ​ເປັນ​ສະ​ຖິຕິ ​ລາຍ​ວັນ​ ສູງ​ທີ່​ສຸດ ​ຄັ້ງ​ໃໝ່ ນັບ​ຕັ້ງ​ແຕ່​ ອິນ​ເດຍ ພົບ​ການ​ແຜ່​ລະບາດ ​ໂຄ​ວິດ-19​ໃນ​ປີ​ກາຍ​ນີ້.

ຂະນະ​ທີ່ ​ຮອບ​ວັນ​ ມີ​ຜູ້​ເສຍ​ຊີວິດ 839ຄົນ ​ເປັນ​ສະຖິຕິ​ສູງ​ ໃນ​ຮອບ​ເກືອ​ບ​ເຄິ່ງປີ ​ເຮັດ​ໃຫ້​ອິນ​ເດຍ ມີ​ຜູ້​ເສຍ​ຊີວິດ ສະ​ສົມ ​ຈາກ​ໂຄ​ວິດ-19 ຢ່າງ​ນ້ອຍ 169.275ຄົນ​ ​ແລະ ຜູ້​ຕິດ​ເຊື້ອ ​ສະ​ສົມ​ ທັງ​ໝົດ 13,35 ລ້ານ​ຄົນ ຫລາຍ​ທີ່​ສຸດ ​ໃນ​ທະວີບ ອາຊີ​ ແລະ​ ຢູ່​ເປັນອັນ​ດັບ 3ຂອງ​ໂລກ ຮອງ​ຈາກ ສ.ອາ​ເມ​ລິ​ກາ ​ແລະ ບຣາຊິນ.ຂະນະ​ທີ່​ ຜູ້​ໄດ້​ຮັບ​ ການ​ປິ່ນປົວ​ ດີ​ແລ້ວ 12,08 ລ້ານ​ກວ່າ​ຄົນ.