ເຈົ້າຫນ້າທີ່ໄທຈັບຊາວລາວ 7 ຄົນລັກລອບເຂົ້າເມືອງ

ເມື່ອວັນທີ່ 13 ຕຸລາ 2020 ເວລາ 11:00 ໂມງ ເຈົ້າເມືອງນະຄອນພະນົມໄດ້ຮັບແຈ້ງຈາກສາຍລັບວ່າຈະມີການລັກລອບເຂົ້າເມືອງໂດຍຜິດກົດຫມາຍ ຈື່ງໄດ້ຈັດຊຸດລາດຕະເວນເຂົ້າກວດສອບບໍລິເວນແຄມຝັ່ງແມ່ນ້ຳຂອງ ບໍລິເວນທ້າຍເມືອງ ນະຄອນພະນົມ ຕາມທີ່ໄດ້ຮັບແຈ້ງມາ ພົບຄົນລາວ ຈຳນວນ 7 ພ້ອມເຮືອກາບ ອີກ 4 ລຳ ຈື່ງໄດ້ທຳການກວດຍືດ ແລະທຳການ ກວດຄົ້ນ ພົບຊາຍ 1 ໃນ 7 ຄົນ ມີຢາບ້າຈຳນວນ 6 ເມັດ ໄວ້ໃນຄອບຄອງ ດັ່ງມີລາຍລະອຽດດັງນີ້


ຜູ້ຕ້ອງຫາສັນຊາດລາວ ຊາວບ້ານຈອມແຈ້ງ ເມືອງທ່າແຂກ ແຂວງຄຳມ່ວນ
1. ທ່ານ ໂງ່ນ ລຸນດາລາ ອາຍຸ 44 ປີ
2. ທ່ານ ວຽງຈັນ ແສງສຸວັນ ອາຍຸ 60 ປີ
3. ທ່ານ ກົບ ຈູມມະນີ ອາຍຸ 44 ປີ


4. ທ່ານ ເວິນ ຈັນທະລາດ ອາຍຸ 25 ປີ
5. ທ່ານ ເປີ້ນ ແພງຄຳລ້ວນ ອາຍຸ 24 ປີ
6. ທ່ານ ລີດ ຈູມມະນີ ອາຍຸ 30 ປີ


ຜູ້ຕ້ອງຫາສັນຊາດລາວ ຊາວບ້ານສັນຕິສຸກ ເມືອງທ່າແຂກ ແຂວງຄຳມ່ວນ ສປປ ລາວ ທ່ານດອນລີ້ ພົມຫມ່ອນ ອາຍຸ 30 ປີ (ມີຢາບ້າໄວ້ໃນຄອບຄອງຈຳນວນ 6 ເມັດ) ຂອງກາງມີ: ເຮືອກາບເພົາຍາວ ຈຳນວນ 4 ລຳ
ຈຶ່ງໄດ້ນຳຕົວສົ່ງຕໍາຫຼວດນະຄອນພະນົມ ເພື່ອດໍາເນີນການຕາມກົດຫມາຍຕໍ່ໄປ