ຂົວມິດຕະພາບລາວໄທ ແຫ່ງທີ່ 6 ເຊື່ອມສາລະວັນ-ອຸບົນ ມີແຜນກໍ່ສ້າງແລ້ວ

ມາແລ້ວ ແຜນການກໍ່ສ້າງຂົວມິດຕະພາບລາວໄທ ແຫ່ງທີ່ 6 ເຊື່ອມຕໍ່ ແຂວງ ສາລະວັນ ບໍລິເວນ ບ້ານ ປາກຕະພານ ເມືອງນະຄອນເພັງ ແຂວງສາລະວັນ ກັບ ແຂວງ ອຸບົນຣາດຊະທານີ ຂອງໄທ ມູນຄ່າ 4.4 ຕື້ບາດ ຄວາມຍາວ 1.02 ກິໂລແມັດ ເຊື່ອມເຂົ້າເສັ້ນທາງຫຼວງເລກທີ 13 ຂອງ ສປປ ລາວແລະ ຍັງສາມາດເຊື່ອມຕໍ່ ເຂົ້າເສັ້ນທາງ 15B ເຂົ້າພາກກາງຂອງຫວຽດນາມໄດ້.

 

ປະຈຸບັນ ທັງສອງປະເທດ ກໍາລັງຢູ່ໃນໄລຍະ ເຈລະຈາ ແລະ ຄາດວ່າ ຈະເປັນໃນຮູບແບບ ການປະກອບສ່ວນ ຝ່າຍລະ 50% ຂອງມູນຄ່າການກໍ່ສ້າງ, ຊຶ່ງຈະມີການສະຫຼຸບຜົນການປຶກສາຫາລື ໃນທ້າຍປີ 2020, ແລະ ຄາດວ່າ ຈະສາມາດເລີ່ມການກໍ່ສ້າງໄດ້ໃນປີ 2023 ແລະ ສ້າງສໍາເລັດ ໃນປີ 2025.

ປະຈຸບັນ ສປປ ລາວ ມີຂົວມິດຕະພາບ ກັບປະເທດໄທ 5 ຈຸດ
1) ນະຄອນຫຼວງວຽງຈັນ ຫນອງຄາຍ
2) ສະຫວັນນະເຂດ ມຸກດາຫານ
3) ຄໍາມ່ວນ ນະຄອນພະນົມ

4) ບໍ່ແກ້ວ ຊຽງຣາຍ
5) ບໍລິຄໍາໄຊ ບຶງການ (ກໍາລັງກະກຽມ)