ຫວຽດນາມກຽມອົບພະຍົກປະຊາຊົນ 1,2 ລ້ານຄົນ ຫນີພາຍຸໂມລາເວ

ສໍານັກຂ່າວ VN Express ຂອງຫວຽດນາມ ລາຍງານເມື່ອວັນທີ 27 ຕຸລາ 2020 ວ່າ ສສ ຫວຽດນາມ ກໍາລັງກະກຽມ ອົບພະຍົກ ປະຊາກອນ 1.2 ລ້ານຄົນ ອອກຈາກບໍລິເວນ ຊາຍຝັ່ງທະເລ ເພື່ອຫນີອອກຈາກແລວ ຂອງພາຍຸ ໂມລາເວ Molave ທີ່ກໍາລັງຈະພັດຂຶ້ນຝັ່ງ ປະເທດຫວຽດນາມໃນມໍ່ມໍ່ນີ້.

ຈາກການລາຍງານຂອງກົມອຸຕຸນິຍົມ ແລະ ອຸທົກກະສາດ ຂອງຫວຽດນາມ ພາຍຸດັ່ງກ່າວ ໄດ້ເພີ່ມລະດັບ ແຮງດັນລົມຂຶ້ນເປັນ 150 kph ຄາດວ່າຈະເຖິງຝັງຂອງປະເທດຫວຽດນາມໃນວັນພຸດ 28.10.2020 ນີ້ ໂດຍຈະກໍ່ໃຫ້ມີປະລິມານນໍ້າຝົນ ສະເລ່ຍ 200-400 ມມ ແລະ ຂຶ້ນສູງສຸດເຖິງ 700 ມມ (ປະລິມານນໍ້າຝົນ 180 ມມ ຕໍ່ມື ຖືວ່າ ຕົກໜັກ).

ລະຫວ່າງ ວັນທີ 6-25 ຕຸລາ 2020, ສສ ຫວຽດນາມ ປະສົບໄພນໍ້າຖ້ວມຢ່າງໜັກໜ່ວງ ແລະ ເສຍຊີວິດໄປແລ້ວ 130 ຄົນ!

ສປປ ລາວ ເຮົາກຽມພ້ອມແລ້ວຫຼືຍັງ ໃນການຮັບມື ກັບພາຍຸ ລູກນີ້ ?